經過美馬買筆電嘅經驗之後，對於打算再網購一部平少少嘅筆電，陰影面積係有實質擴大。雖然我仍然相信喺美馬買嘢算係安全，不至於驚俾咗錢收唔到貨，但我真係怕收到部機再撻著佢時，發生咗咩事都要搞成個月去埋尾得個吉。
從當初落單買機到依家已經有兩個月，型號可以有新，價錢都有唔同，而我又真係唔想再花時間慢慢上網搵過一個效能價錢合理嘅筆電。所以，我好快就定咗以下嘅Spec：
- 我只偏好幾個品牌：Dell、Asus、MSI
- 筆直大約喺兩千美金內
- 最緊要玩得到我買過嘅Steam Games，例如Jagged Alliance系列或者Xcom系列 (我唔偏好3A大作)
- 有Lan頭係加分位
- 盡量個螢幕都有返咁上下高質，因為畫面爛比行得慢更大件事，最好係15.6吋左右
- 雖然呢部筆碗應該只會放屋企用，但部機都唔好太重，2.5KG左右
以上嘅Spec，應該都算唔上醃尖好難搵，所以我都好快鎖定咗幾款：Dell G Series、Asus ROG Strix、MSI Katana
於是，從價錢、外觀、內涵逐一比較一下之後，就選咗Asus ROG Strix。
打鐵要趁錢，我好快就走咗去電腦中心，即問即落單即科水即Setup即拎走，承惠HKD17xxx。
一大盒筆電仲送咗一個背囊，睇落好抵但成盒嘢好Ｑ重拎死我，之不過，為打機，去到盡。
重要嘅事講7次：
我未買過貴筆電，希望好似我部舊MacBookPro咁可以用8年…
我未買過貴筆電，希望好似我部舊MacBookPro咁可以用8年……
我未買過貴筆電，希望好似我部舊MacBookPro咁可以用8年………
我未買過貴筆電，希望好似我部舊MacBookPro咁可以用8年…………
我未買過貴筆電，希望好似我部舊MacBookPro咁可以用8年……………
我未買過貴筆電，希望好似我部舊MacBookPro咁可以用8年………………
我未買過貴筆電，希望好似我部舊MacBookPro咁可以用8年…………………
