男人上咗年紀，通常都好想做返一啲細個時令自己好開心嘅嘢。打機，自然係眾毒男其中一個選項。
由於我個人反應慢，對一般realtime strategey類遊戲表示道不同不相為謀，而Turn-based遊戲非常適合我慢條斯理及遇事reload嘅玩法。上世紀年代久遠嘅Turn-based遊戲如三國志、Civilization、Age of Empire、Xcom等通通都係我杯茶。
上個月，一套中學時代玩上癮通宵達旦廢寢忘餐嘅Turn-based電腦遊戲Jagged Alliance第三集終於推出。
~~~簡單介紹，Jagged Alliance就係一套由玩家請不同雇傭兵去一個島上面打大佬。~~~
言歸正傳，新game出咗自然想玩，但呢隻game只有PC版，對display card有啲耍求，而我只有舊MacBookPro和舊miniPC。於是，我就萌生一個換window laptop嘅念頭。由於我太多年無去過實體店買電腦，而呢幾年疫情亦培養人慢慢睇慢慢揀嘅網購習慣，好自然我就選擇一個既方便又平但要冒少少風險嘅網購窗口：Amazon。
始終，買一百幾十蚊嘢同買一萬幾千蚊嘢之間存在一條好大嘅鴻溝，所以我並無掉以輕心，最終喺Amazon US搵咗好幾日，終於敲定一部Asus Vivobook (~USD 13xx)。
等咗幾日，新機終於送到。我當然要沐浴更衣洗淨身心靈，盡準迎接新機setup的一剎。
我㩒一下右上角Power制，熱切期待～～～
～咦！
～～～冇嘢睇嘅？！
～～～～～等成分鐘都係黑畫面？！咩料呀？！？！
於是我長按Power制熄機再開一次。
～咦！
～～～都係冇嘢睇嘅？！
～～～～～等幾分鐘都係黑畫面？！？！？！
正常急男嚟到呢個moment，有啲咩都爆晒出嚟，然後就灰過灰水，亦不經不覺地進入下一個階段，就係退貨！！勢估唔到，第一次Amazon網購貴價貨就可以體驗到全套服務。
重要嘅事講7次：…
故事留待下回分解…
故事留待下回分解……
故事留待下回分解………
故事留待下回分解…………
故事留待下回分解……………
故事留待下回分解………………
故事留待下回分解…………………
