2026新年快樂！
隨住大埔宏福苑世紀火災發生咗一個多月之後，2025年亦無聲無息中逝去。
這場大火正正合時地敲問一下自己嘅心靈，2026年到底自己想點？
1. 首先嘅係，租個Hosting放個私人Blog係咪好奢侈？（為咗確認「奢侈」呢兩個字點寫，喺唔用AＩ唔用手機情況下，要花成分鐘回想再用速成碼撞出嚟。）
呢個世界實在有太多玩意需要更加花費：昨日坐Uber與司機閒談間，了解唔少Uber司機係為駕駛興趣而下海，賺錢去Support部車嘅皮費。噉，唔通我要擺個Blog出嚟搵錢？
其實，我係明白一個道理嘅：全世界每個人俾一仙我，都會有幾千萬，當然行政成本除外（^o^）。
之不過，買架車載客做物流，同賣字俾人睇，真係兩回事。身處文化沙漠中做文字工作等於乞食，接近係普世價值。
2. 最近經歷唔少轉變，加上工作形式亦變，令我諗what7isay.today應該點繼續落去。
3. 亦係最近將放喺公司用咗好耐嘅舊NAS拎返屋企擺，變成屋企有兩隻NAS。喺呢個情況下，自然就會考慮點樣可以將佢哋用到最盡。
因此而萌生一個將Blog轉移放入NAS的一個意念。
重要嘅事講7次：
由於時間關係，呢個轉移已經完成…
由於時間關係，呢個轉移已經完成……
由於時間關係，呢個轉移已經完成………
由於時間關係，呢個轉移已經完成…………
由於時間關係，呢個轉移已經完成……………
由於時間關係，呢個轉移已經完成………………
由於時間關係，呢個轉移已經完成…………………
