勢估唔到，呢幾年甚至呢兩個星期，香港都經歷好多大事件。
人生匆匆幾十年，無乜機會見證十號風球直面襲港、掛十幾個鐘頭嘅黑色暴雨警告、全港大範圍水浸、到處都係山泥傾瀉同埋瀑布、地鐵站同埋商場底層變成遊泳池、九月一日開學日變休息日、連續兩個星期五因風雨停咗工。。。等等等等，喺兩個星期入面全部出現晒。
香港喺物理層面上，遭受一次幾徹底嘅風吹雨打，變得千瘡百孔。所謂國際大城市喺大自然發一下脾氣嘅影響下，就係不堪一擊。
八三一後呢兩個星期，我都唔單係等開工等收工，仲去咗睇家庭醫生同埋牙醫。入急症室前冇幾耐，我已經做過一次身體檢查，只係發現膽固醇高同埋血紅素低。同家庭醫生講返事發當日嘅情況時，佢認為呢類身體反應都會同「心」「血」有關，但身體檢查報告都冇反映有心血問題。於是我再做多一項糖化血紅素檢查，確定唔係有糖尿病問題後，醫生唯有叫我繼續留意自己嘅狀態。
事發到依家，從急症室醫生同家庭醫生嘅口入面，我聽到一啲其他可能性：
雖然我間唔中都會緊張心跳（例如打機果陣），但出嚟做嘢咁多年，壓力唔算大，都好耐冇試過識驚。至於「迷走神經」，我就更加唔識回應。於是我自己又上網搜索一下，就發現有以下可能性：
當日朝早我飲咗杯奶茶，午餐又飲咗濃普洱茶，會唔會再配合血紅素低，再加上工作時嘅壓力因而出事？
Ｗｅｌｌ, Ｉ ｒｅａｌｌｙ ｄｏｎ＇ｔ ｋｎｏｗ！
重要嘅事講7次：
唔好等身體出咗問題先對佢好…
唔好等身體出咗問題先對佢好……
唔好等身體出咗問題先對佢好………
唔好等身體出咗問題先對佢好…………
唔好等身體出咗問題先對佢好……………
唔好等身體出咗問題先對佢好………………
唔好等身體出咗問題先對佢好…………………
