呢個人到底發生過咩事？
認識羽生結弦係因為Disney+，一套關於花式滑冰男神嘅紀錄片。最為人熟悉嘅新聞就係喺奧運花式滑冰比賽入面首位挑戰空中轉體４周半嘅運動員。結果係挑戰失敗，失去平衡落地跌低，亦因為噉而衛冕唔到奧運冠軍。
單係呢一份無視世界目光去挑戰極限嘅傲氣，加埋一臉稚氣，直頭係一粒女人湯丸，所以喺日本人氣極高。
之不過，再鋒利嘅世一運動員都有生鏽嘅一日，終究要面對走出鎂光燈落幕嘅一刻，而羽生結弦選擇做一場花式滑冰Show，為自己前半生傾盡身心力嘅滑冰運動生涯畫個休止符。小弟唔係追求極緻嘅人，對於呢啲企喺世界尖啄嘅人類，凡人我又點會了解佢地嘅生理心理狀態。你就算係天才一個，要做到７０幾億人入面嘅世一，唔通下下齋靠打天才波？「精益求精」心態絕對係當中關鍵。
企喺世界尖啄面對難關可以無堅不摧，咬緊牙關硬接逆風應該係生活日常。
勢估唔到，一個男人擁有噉嘅package，佢嘅婚姻只係堅持咗３個月。離婚聲明話「由於我的不足，沒法繼續保護伴侶和我自己，這讓我難以忍受。 由衷懇請大家停止對我家人的滋擾行為。」
正向啲講，一個人定二個人去應付難關逆風，完全唔同境界，結過婚嘅就明。用３個月就確認兩個人婚姻係一個錯誤？我可以想像到嘅可能係：
- 盲婚？
我見識少，日本有嘅咩？ - 同住難？
住劏房就難啫，日本有嘅咩？ - 第三者？
嗱嗱嗱，呢個我冇經驗．．．網路上有傳羽生結弦係一個媽寶，奶奶夾喺自己個仔同新抱中間，噉算唔算係第三者？ - 狗仔隊滋擾？
呢個係咪一個國寶級運動員要付嘅代價？
最致命嘅錯誤係咩？．．．原來羽生結弦太太係「吳廣德」！我仲以為係外星人或者吹氣公仔。
我估羽生結弦心入面嘅對白係咁：大家只需要知我滑冰嘅事就夠，依家退休Show都做埋，係咁先啦Sayonara！家事就唔好提喇，None of your business。
或者想保護家人，或者想撇清公私，點都好，好心做咗件壞事。３個月時間，一變二再二變一，又回到最初的起點。
重要嘅事講7次：
能力越大是好是壞？少年你太年輕了…
能力越大是好是壞？少年你太年輕了……
能力越大是好是壞？少年你太年輕了………
能力越大是好是壞？少年你太年輕了…………
能力越大是好是壞？少年你太年輕了……………
能力越大是好是壞？少年你太年輕了………………
能力越大是好是壞？少年你太年輕了…………………
