昨日係我第一次喺香港幫襯「壽屍狼」，算唔算一個成就解鎖？～（喂阿伯，你食藥未？）
點解係第一次？當你每日見到同一間餐廳由開門到打佯都有一堆人喺門口等食排隊，不其然一腦問號：
- 成個世界得呢度有嘢食？
- 成個香港得呢一間「壽屍狼」？
- 壽司平到你笑，唔食會走寶？
- 款式日日轉，日日打卡都打唔晒？
喺香港，諗到咩好食嘅而唔駛點等就有位坐低食其實好難，叫外賣都要等熊貓或者嗚嗚送，就算餓到要食屎都要等痾出嚟。
獨腳食飯，係另一個層次。
想輕輕鬆鬆一個人食晏，無奈發生以下事情：
- 位都未坐定，侍應已經喺你旁邊，繑埋雙手等你落單
- 有個三唔識七嘅麻甩佬坐正你對面，電話睇片大大聲而唔戴耳機
- 重幾kg嘅隨身背囊永遠只可放大脾上
- 身形有啲份量嘅食客行過，屁股都可以撞到你食緊飯嘅手㬹
睇到啲咩？咪壓力囉！正常痾個屎而門外有人不斷趨你快啲，都唔會痾得靚。
今次喺「壽屍狼」食晏，雖然食客間也有間版分隔下，但座位仍然比較親密。
款式多多，樣樣想試少少嘅心態令我點餐份外困難。不過只要夠肚餓，問題仍會迎刄而解。
對食物無咩太大意見，但作為正常心急香港人，等候食物送到嘅時間比我想像中要耐，尢其係炸物。
再加上我第一次幫襯居然遇到送錯壽司，雖然唔係咩天大問題，只係我無預期「壽屍狼」會有這種錯誤（好天真好傻？）。唔清楚呢個係咪常態，但某程度反映廚房忙到甩碌嘅慘況。
係呀無錯，廚房已經復常喇！
重要嘅事講7次：
已經復常喇…
已經復常喇……
已經復常喇………
已經復常喇…………
已經復常喇……………
已經復常喇………………
已經復常喇…………………
