整個2023年12月都處於Holiday Mood，預備聖誕旅行，希望可以平安總結2023年。
半年前嘅立此存照，代表我對股市睇淡。果陣時，烏俄戰爭、債息倒掛、通脹呢啲熱炒議題，並冇影響美股。去到年尾，反轉頭熱炒經濟平穩或者軟著陸所以2024年可以減幾碼息口，指數直頭升到去高點。
所以，理想同現實中間真係有一段好大嘅距離。
半年前嘅SPXU同埋SQQQ，到年尾結算一下，已經跌咗2X%。
投機第一戒：唔好同市況對賭！見升買趺，見跌買升，多多都唔夠死。
2023年開首，已經發覺科技個股升跌好難捉，加息對資金需求高嘅科技股影響大，每季報告業績再加埋投資機構評級或者財演開聲放風，自然更加令股價抽上抽落，所以慢慢將資金重心轉移投入指數追蹤ETF。
去到2024年開局，美股慢慢從高位回落少少。全年會點？精彩咯！政黨輪替、換總統、戰火連天、天災人禍…… 年年難過，今年好似特別難。
重要嘅事講7次：
半年後睇返自己，希望仲有底褲著…
半年後睇返自己，希望仲有底褲著……
半年後睇返自己，希望仲有底褲著………
半年後睇返自己，希望仲有底褲著…………
半年後睇返自己，希望仲有底褲著……………
半年後睇返自己，希望仲有底褲著………………
半年後睇返自己，希望仲有底褲著…………………
