你人生經歷過咩嘢手術？眼耳口鼻心肝脾肺腎手手腳腳？有返咁上下年紀嘅人，點都應該試過一單半單。
手術實有傷口，唔論大細，唔多唔少都會有條傷痕，除非係微創。
如果你係醫生，對手術部位開口應該唔會陌生，見血亦好平常。
換一個普通市民，我估唔係有好多機會見過手術中嘅傷口，特別係屬於自己嘅。
而我有幸親眼見到！！！牙醫主動叫姑娘俾塊鏡我，解釋佢對我隻牙做過啲咩。
多謝醫生俾呢個咁寶貴嘅經驗我，確實係年度黃金畫面。
年紀大機器壤乃千古定律，經過數十寒暑，令我明白有病有得醫嘅可貴之處。但年年通脹，醫病就係燒錢，現代醫療駛費因為有保險cover只會越嚟越貴。所以喺香港地一講專科醫療，初診一千幾百，處理輕症可以一萬幾千，重病醫藥手術隨時一百幾十萬，仲唔係包醫好隨時有一大堆手尾跟，莫講話呢個世界仲有唔少罕見病。
「預防勝於治療」呢個觀念，除咗令自己減少肉體心靈傷害或者視覺衝擊，最直接係減低荷包失血程度。
「久病床前無孝子」並非千古定律，但就表達出病痛折磨嘅唔單止係病者，而係整個家庭。
為咗愛自己愛家人，對自己好啲。
重要嘅事講7次：
隻牙其實唔痛，個荷包痛好多…
隻牙其實唔痛，個荷包痛好多……
隻牙其實唔痛，個荷包痛好多………
隻牙其實唔痛，個荷包痛好多…………
隻牙其實唔痛，個荷包痛好多……………
隻牙其實唔痛，個荷包痛好多………………
隻牙其實唔痛，個荷包痛好多…………………
